പ്രാക് ചരിത്രം
വെളിയ രാജവംശ ഭരണാധികാരികളായ വെളിയന്‍റെ അധീനതയിലായിരുന്ന പ്രദേശത്തെ ഭൂമിയുടെ ആധിപത്യം ബ്രാഹ്മണ മതക്കാര്‍ക്കായിരുന്നു. 2000 വര്‍ഷം പഴക്കമുള്ള ഇണ്ടിഇയപ്പന്‍ ക്ഷേത്രം ഇവിടെ ഉണ്ടായിരുന്നു. ബുദ്ധമത പാരമ്പര്യം ഈ പ്രദേശത്തിനുണ്ടെന്ന് കരുതപ്പെടുന്നു.
സ്വാതന്ത്രസമര ദേശീയപ്രസ്ഥാനത്തിലെ സ്ഥാനം, പ്രധാന വ്യക്തികള്‍, സംഭവങ്ങള്‍
ദേശീയ പ്രസ്ഥാനത്തോടനുബന്ധിച്ച് ശ്രീമതി അക്കാമ്മ ചെറിയാന്‍ നയിച്ച ആള്‍ ട്രാവന്‍കൂര്‍ വാളന്‍റിയേഴ്സ് ജാഥയില്‍ വെളിനല്ലൂരിലെ ജനങ്ങള്‍ പങ്കെടുത്തിരുന്നു. കുമ്പളത്ത് ശങ്കുപിള്ള, ടിഎം. വര്‍ഗ്ഗീസ് എന്നിവര്‍ നേതൃത്വം നല്‍കിയ കൊല്ലം സമ്മേളനത്തിലും ഇവിടെ നിന്നും വാളന്‍റിയര്‍മാര്‍ പങ്കെടുത്തു. അഡ്വ. ശ്രീ. പി. വാസുദേവന്‍ ഇവിടത്തെ കോണ്‍ഗ്രസ് പ്രവര്‍ത്തനങ്ങള്‍ക്ക് നേതൃത്വം കോടുത്തു. വെളിനെല്ലൂരിലെ ദേശീയ പ്രസ്ഥാനത്തിന്‍റെ തുടക്കം വെളിനെല്ലൂര്‍ മണല്‍പ്പുറത്ത് ശ്രീ. ഒ. എന്‍.വിയുടെ അധ്യക്ഷതയില്‍ രണ്ടാംലോക മഹായുദ്ധാനന്തരം സമാധാന സമ്മേളനം ചേര്‍ന്ന് ചെറുപ്പക്കാര്‍ സമാധാന പ്രതിജ്ഞയെടുത്താണ്.
സാമൂഹ്യ രാഷ്ട്രീയ സാംസ്കാരിക പ്രസ്ഥാനങ്ങള്‍
സോഷ്യലിസ്റ്റ് പാര്‍ട്ടി, യുവജന സമാജം, കര്‍ഷക സംഘം, കമ്മ്യൂണിസ്റ്റ് പാര്‍ട്ടി എന്നിവ സാമൂഹ്യ രാഷ്ട്രീയ മേഖലയില്‍ പ്രവര്‍ത്തിച്ചിരുന്നു. ആദ്യത്തെ വിദ്യാലയം കൊല്ലവര്‍ഷം 1050 മുതല്‍ കാളവയലില്‍ ആരംഭിച്ച സ്വകാര്യ വിദ്യാലയമാണ്. കരിങ്ങല്ലൂര്‍ സ്കൂള്‍ പ്രധാന വിദ്യാലയമാണ് (100 വര്‍ഷം പഴക്കം).
വാണിജ്യ- ഗതാഗത പ്രാധാന്യം
ഗാര്‍ഹികോപകരണങ്ങളായ കറിക്കത്തി, കൊയ്ത്തിരുമ്പ് പുല്ലിരുമ്പ്, വെട്ടുകത്തി തുടങ്ങിയവയും കാര്‍ഷികോപകരണങ്ങളായ കൂന്താലി, മണ്ണുവെട്ടി എന്നിവയും പരമ്പരാഗതമായി ഇവിടെ നിര്‍മ്മിച്ചിരുന്നു. പ്രധാന ഗതാഗത മാര്‍ഗ്ഗമായ റോഡ് ആയൂര്‍ ഇത്തിക്കര റോഡാണ്.
പഞ്ചായത്ത് രൂപീകരണം / ആദ്യകാല ഭരണസമിതികള്‍
1953 ല്‍ രൂപീകൃതമായ വെളിനല്ലൂര്‍ പഞ്ചായത്തിന്‍റെ പ്രഥമ പ്രസിഡന്റ് ശ്രീ. എസ്. അബ്ദുള്‍ റഹീം ആയിരുന്നു.
| 
No comments:
Post a Comment